Flirtet e kryeminstrit të Shqipërisë, Edi Rama me “faktorë të tretë”, veçanërisht me Turqinë e Erdogan duket se kanë ngjallur shqetësim në Bashkimin e Europian. Shqipëria shpreson që të marrë sivjet një sinjal pozitiv për nisjen e negociatave për anëtarësim në Bashkimin Europian, por mjaft vende të “Klubit” janë ende shumë skeptike.
Edhe pse asgjë nuk është akoma e sigurt, në Bruksel druhen se vendet e Ballkanit mund të bien nën ndikimin e tjera fuqive botërore. Presidenca e BE, që drejtohet nga Bullgaria, e ka bërë të qartë këtë gjë në Bruksel.
Ambasadori i Bullgarisë në BE, Dimiter Tzantchev tha gjatë një konference për shtyp se ata e shohin Ballkanin Perëndimor si pjesë të BE-së. Por ai tha se nëse këtyre vendeve nuk u jepet një perspektivë e qartë anëtarësimi, do i hedhin sytë diku tjetër.
Sipas EurActiv, ai tha se të tjera fuqi të mëdha janë të interesuara për rajonin, por pa dhënë emra. Megjithatë EurActiv në shkrimin e vet thotë se bëhet fjalë për Rusinë, që ka marrëdhënie të mira me Serbinë, Malin e Zi dhe Maqedoninë, për Kinën, që ka interesa ekonomike në Maqedoni e Serbi dhe për interesat turke dhe arave në Shqipëri, Maqedoni dhe Kosovë./Syri.net
Pakistan, protesta të dhunshme pas vdekjes së liderit të Hez...
Moti në Shqipëri me diell, temperaturat do të jenë në rritje
Dy yjet e Man Utd kanë vendosur përfundimisht që të largohen...
SBASHK sot dorëzon nënshkrimet për projektligjin për skema p...
Kuvendi Komunal i Prishtinës sot mban mbledhje të jashtëzako...
Pacolli përfundon takimet në New York: Një javë intenzive me...