Burime të opozitës iraniane, deklaruan të premten se numri i të vdekurve nga protestat që po ndodhin në disa qytete është rritur në 50 njerëz, dhe shpjegoi se ka rreth tre mijë të burgosur në burgjet e regjimit iranian, që kur filluan protestat.

Demonstratat shpërthyen në Teheran të enjten me 28 dhjetor, në shenjë proteste kundër përkeqësimit të kushteve të jetesës së qytetarëve dhe papunësisë së lartë dhe korrupsionit të shfrenuar, por ata u qëlluan për vdekje nga forcat e sigurisë, të mbështetura nga luftëtarët e Gardës Revolucionare të Iranit, transmeton arbresh.info

Protestuesit thonë se ata janë “të lodhur nga sloganet zyrtare anti-perëndimore,” dhe se “është koha e largimit të liderit suprem Ayatollah Ali Khamenei dhe qeveria e presidentit Hassan Rouhani.”

Në demonstrata kanë marrë pjesë anëtarët e klasës punëtore, por edhe filluan të tërheqin kategorinë e mesme të njerëzve, e cila ishte shtylla kurrizore e protestave duke bërë thirrje për reforma në vitin 2009, e cila shpërtheu pas zgjedhjeve presidenciale.

Të mërkurën, Garda Revolucionare tha se vendosja e trupave në tri provincat për të shuar trazirat në rajonet të cilat panë protestat më të mëdha, ndërkohë që shefi i ushtrisë, Abdul Rahim Mousavi, ka ndihmuar policinë për të shtypur protestat.

“Ne ju sigurojmë se shokët tuaj në Ushtrinë e Republikës Islamike do të jenë të përgatitur të përballen me ata që janë mashtruar nga Satani i Madh (Shtetet e Bashkuara)”, deklaroi Abdul Rahim Mousavi, transmeton arbresh.info

Amnesty International tha të enjten se qindra ishin arrestuar dhe burgosur në burgje “të njohur për tortura dhe keqtrajtime gjatë shtatë viteve të fundit”, me shumë të cilëve iu mohua qasja në familjet dhe avokatët e tyre.

Laureatja iraniane e çmimit Nobel për Paqe Shirin Ebadi i kërkoi Shteteve të Bashkuara dhe bashkësisë ndërkombëtare të mbështesin protestat në Iran duke imponuar sanksione politike në vend të masave ekonomike që mund të dëmtojnë qytetarët.

Ajo gjithashtu kërkoi kufizime për dhjetëra radio stacione dhe televizioneve iraniane, të cilat ajo thotë se ishin pjesë e “politikës së jashtme të gabuar” të Iranit dhe “përhapin urrejtje dhe gënjeshtra” në disa gjuhë.

Shtetet e Bashkuara vendosën të enjten sanksione mbi pesë subjekte të bazuara në Iran, duke përfshirë një kompani industriale përgjegjëse për zhvillimin dhe prodhimin e karburantit të ngurtë, shtytës për raketat balistike iraniane./arbresh.info/