Mbyllet tërësisht aeroporti JFK, shkak stuhia e borës

19:56 | 4 Janar 2018
Arbresh.info

Aeroporti i Nju Jorkut, John F. Kennedy është mbyllur përkohësisht për shkak të reshjeve të mëdha, akullit dhe erërave të forta në këtë zonë, sipas Administratës së Aviacionit Federal (FAA), transmeton portali arbresh.info

Aeroporti, i cili pezulloi të gjitha operimet pak pas orës 11:00 të kohës lokale, pritet të rihapet rreth orës 15:00 në kohën lokale amerikane, thonë zyrtarët e FAA.

Mbyllja e përkohshme erdhi pasi erëra të forta dhe dëbora e madhe në verilindje të SHBA-së, bënë që të mbyllen shkollat dhe zyrat e qeverisë, duke lënë dhjetëra mijëra pa energji dhe duke vonuar udhëtimet.

Prej ditësh Shtetet e Bashkuara janë përfshirë me temperatura arktike dhe borë të madhe./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm