Tahir Batatina në vitet kur Kosovës iu nevojitën bijtë më të mirë të saj, e ‘kapi’ pushkën për t’i bërë ballë armikut në luftën e Ushtrisë Çlirimtare të Kosovës për çlirimin e vendit.

Betejën me serbët UCK-ja e fitoi në vitin në qershorin e vitit 1999, teksa Batatina edhe sot e ka të ngulitur në kokë mentalitetin e fituesit të cilin po e transmeton edhe në sport.

Trajneri nga Podujeva sot është një ndër trajnerit më të suksesshëm në Kosovë derisa i ka dhënë hijeshi futbollit me deklaratat e tij bombastike për media.

Duke folur në rolin e fitimtarit që tashmë është dëshmuar, ai rrëfehet për arbresh.info.

“Jam shumë krenar që isha ushtar i UCK-së dhe kontribuova për vendin tim, por gjithmonë e kisha në mendje që një ditë në liri t’i bashkohem pasionit tim, futbollit”, nis bisedën trajneri nga Podujeva, Tahir Batatina.

Ai dha kontribut në zonën operative të Llapit. “Jam krenar që vijë nga lufta e lirisë dhe sot jam duke dëshmuar një kulturë sportive dhe intelektuale për vendin tim, qytetarët e Kosovës dhe qytetin tim Podujevën që sot po ndjehen krenar me të arriturat e mia dhe skuadrës si një trajner i ri në moshë”, potencoi Tahir Batatina.

Ky i fundit në këtë edicion në Vala Superligën e Kosovës në futboll ka arritur që me skuadrën e Llapit të shpallet kampion vjeshtor.

Në edicionin e kaluar arriti sukses duke shkuar deri në finale të DigitAlb Kupës së Kosovës në futboll.

Ai së bashku me investitorin tjetër te Llapi, Nexhat Dumnica, e morën klubin duke rënë dhe në Liga e Parë për ta bërë një skuadër konkurruese edhe për trofe në futbollin kosovar.

Pasioni i fëmijërisë

Tahir Batatina ëndrrën e tij e ka ndjekur që në moshë të re.

“Karriera ime si trajner është ëndërr dhe pasion që nga mosha 7-vjeçare kur gjithçka isha në gjendje të bëjë për futbollin dhe që nga ajo kohë në mendjen time ishte futbolli me idenë që një ditë të bëhem trajner. Kam qenë edhe një futbollist i shkëlqyer, por kushtet e asaj kohe më mohuan që të jem një lojtar më emër. Karrierën si trajner e kam filluar në futboll të vogël ku pas shumë sukseseve vendosa që t’i bashkohem Llapit në vitin 2013”, potencoi Tahir Batatina.

Ëndërron Kosovën dhe një skuadër evropiane

Tutje, Tahir Batatina ka folur edhe për synimet që ka në karrierë.

“Synimet e mia janë që një ditë ta drejtojë Përfaqësuesen e Kosovës dhe të udhëhoqi një skuadër të nivelit të lartë evropian. Disiplina e lartë dhe puna ime intensive dhe e vullnetshme, por edhe motivuese për skuadrën dhe besimi që kam në veten tim, e kam shfaqur te lojtarët ”, përfundoi Tahir Batatina. /arbresh.info/