Kancelarja konservatore Angela Merkel, nën presion pas 3 muajsh dështimi për të krijuar një koalicion të ri qeverisës, të dielën premtoi se do të adresonte ndasitë sociale në rritje, ndërkohë që punon për krijimin e një qeverie gjermane stabël.
Merkel parashtroi prioritetet e saj kyçe në fjalimin e Vitit të Ri, përfshirë edhe rritjen e investimeve në siguri dhe mbrojtje, kujdes të përmirësuar shëndetësor dhe edukim, si edhe përpjekje për të kapërcyer pabarazitë në rritje mes zonave urbane dhe atyre rurale.
“Bota nuk pret për ne. Ne duhet të krijojmë kushtet që të garantojmë që Gjermania të vazhdojë drejt prosperitetit të paktën për 10-15 vitet e ardhshme. Gjermania do të lulëzojë vetëm nëse suksesi i saj do t’i shërbejë të gjithë njerëzve dhe do të përmirësojë e pasurojë jetët tona”, tha Merkel.
Merkel, e cila po kërkon një mandat të katërt në detyrë, po përpiqet të bindë social-demokratët e qendrës së majtë të përtërinë koalicionin e gjerë, me të cilën kanë qeverisur për katër vitet e shkuara, pavarësisht humbjeve të mëdha të pësuara nga të dyja blloqet në zgjedhjet e 24 shtatorit./tch/
Kryeprokurori i Prokurorisë Speciale të Republikës së Kosovë...
Mot i keq e erëra të forta, komuna e Prishtinës apelon qytet...
Rihapet aeroporti në Londër/ Nuk jepen detaje pas alarmit pë...
Hamza në Rahovec: Jemi adresa e zhvillimit të Kosovës
Përleshje mes dy të miturve në Skenderaj, njëri prej tyre th...
A do të “rikthehet” Atilla sonte në BigBrother?
Skip to content
