Google ADS

“Tregova instinktin tim si sulmues” – Mustafi për golin ndaj Crystal Palaces

16:58 | 29 Dhjetor 2017
Arbresh Info

Shkodran Mustafi shënoi golin e tij të dytë në Premierë Ligë këtë sezon në fitoren e Arsenalit kundër Crystal Palaces mbrëmjen e kaluar.

Fituesit i Kampionatit Botëror ishte në pozitën e duhur dhe në kohën e duhur kur goditja nga Alexandre Lacazette u rikthye nga portieri Julian Speroni, transmeton portali arbresh.info.

“Tregova instinktin tim të sulmuesit këtu! Isha i lumtur që shënova dhe ishte e rëndësishme për të kaluar në epërsi sepse kur vini në vendet si këto dhe jeni 1 me 0 në disavantazh, loja bëhet edhe më e vështirë. Ishte e rëndësishme për të kaluar në epërsi të parët dhe mendoj se ishte gjëja kryesore”, ka thënë Mustafi për golin e tij të parë në ndeshjet si mysafirë.

Ndeshja ndaj Crystal Palaces ishte e dyta radhazi për Mustafin pas rikthimit nga lëndimi që pësoi në ndeshjen në fillim të muajit kundër Manchester United.

Goli i parë sezonal nga Mustafi ishte realizuar në fitoren 2 me 0 të Arsenalit kundër Tottenhamit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm