Google ADS

Vuçiq: Në fillim të pranverës do të debatohet më seriozisht për Kosovën

16:07 | 28 Dhjetor 2017
Arbresh.info

Presidenti serb, Aleksandar Vuçiq beson se në fillim të pranverës është e mundur të fillojë një debat serioz për Kosovën në dialogun e brendshëm.

Vuçiq duke iu përgjigjur pyetjeve të gazetarëve, vuri në dukje se çështja e Kosovës është shumë e rëndësishme për Serbinë dhe se gjatë dialogut të brendshëm është e rëndësishme që njerëzit të flasin të vërtetën, transmeton lajmi.net.

“Është shumë e rëndësishme që njerëzit në çdo mënyrë deri më tani kanë shprehur pikëpamjet e tyre të cilat janë të ndryshme për çështjen e Kosovës”, ka thënë Vuçiq.

Sipas tij, një dialog i tillë tregon kapacitetet demokratik të shoqërisë serbe të cilët në mënyrë demokratike po provojnë t’i zgjidhin problemet.

“Unë shpresoj dhe besoj se do të kemi sukses në të ardhmen për të racionalizuar kërkesat dhe politikat tona, të ruajmë atë që i përket popullit tonë”, është shprehur Vuçiq./Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm