“Neymar vlen sa Ronaldo”

14:10 | 27 Dhjetor 2017
Arbresh.info

Sulmuesi i talentuar francez, Kylian Mbappe, ka thurur elozhe për bashkëlojtarin e tij, brazilianin Neymar Jr.

Mbappe u transferua nga Monaco për shumën e 180 milionë eurove, dhe ka formuar një super treshe në sulm, me Edinson Cavani dhe Neymar.

Por, Kylian Mbappe zbulon një prapaskenë shumë të rëndësishme të tregut, ku në një intervistë ka thënë se ka refuzuar një ofertë të majme nga Real Madridi.

“PSG është skuadra e qytetit tim, ndërsa Neymar vlen po aq sa Cristiano Ronaldo dhe unë dëshiroja të luaja në një ekip me brazilianin”, deklaroi Mbappe.

Për përballjen në 1/8-at e Championsit mes Los Blancos dhe Parisit, Mbappe shtoi:

“Do të shkojmë në Bernabeu për t’i dërguar një mesazh botës së futbollit”.

Në 21 ndeshje ka shënuar 12 gola në të gjithat garat francezi. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm