Shtyhet rifillimi i Superiores, ja vendimi qarkullues i Ekzekutivit

12:46 | 26 Dhjetor 2017
Arbresh.info

Futbolli shqiptar, i të gjitha kategorive, ka marrë pushimet dimërore.

Futbollistë e trajnerë, por jo vetëm, do të festojnë pranë familjeve të tyre Krishtlindjet dhe Vitin e Ri, pastaj do të rikthehen në veprim.

Përfshirja në merkaton e janarit, sipas mundësive, është një imperativ për cilindo, ashtu sikurse “karikimi i baterive” në fazën përgatitore të kësaj periudhe, brenda e jashtë vendit.

Por kur do të rifillojë kampionati i Kategorisë Superiore, ai më interesanti dhe më i ndjekuri? Për këtë ka bërë sot një njoftim zyrtar vetë FSHF-ja, organizatorja e garës: “Me vendim qarkullues të Komitetit

Ekzekutiv u vendos që java e 17-të e Kategorisë Superiore do të luhet në datën 27 janar 2018 dhe jo në datën 20 janar, siç ishte parashikuar më parë.

Sektori i Garave pranë FSHF-së ka bërë këtë propozim, i cili është miratuar me vendim qarkullues të KE. Ndërkaq, për këtë vendim do të vihen në dijeni të gijtha ekipet pjesëmarrëse në Kategorinë Superiore”. /Telesporti/

Shpërndaje në rrjete sociale

Lajmet më të lexuara

Të ngjashme

Foto lajm