Google ADS

Drecun: Shfuqizimi i ligjit për Gjykatën Speciale, mesazh i Thaçit për bashkësinë ndërkombëtare

11:33 | 24 Dhjetor 2017
Arbresh.info

Fillimi i një iniciative për t’i dhënë fund ligjit për Gjykatën Speciale është një plan i mirë-dizajnuar i Presidentit të Kosovës, Hashim Thaçi, dhe “miqve të tij”.

Kështu ka deklaruar kryetari i “Komisionit për Kosovën dhe Metohinë” në Parlamentin serb, Milovan Drecun, shkruajnë mediat serbe, përcjell Telegrafi.

Ai siç shtohet më tej ka thënë se plani i tyre ishte të dërgonte një mesazh për bashkësinë ndërkombëtare që mund të destabilizonte situatën në Kosovë nëse ata janë të akuzuar për krimet e UÇK-së.

“Me këtë lëvizje (Hashim) Thaçi ua hodhi një dorezë në fytyrën e Uashingtonit dhe Brukselit, sepse këto qendra të pushtetit ndikuan pikërisht në miratimin e një ligji që formoi këtë këshill të specializuar”, tha Drecun për Radio Televizionin Serbisë (RTS), duke shtuar se nisja e një iniciative tregon “frikë reale” të Thaçit dhe udhëheqësve të tjerë të UÇK-së që mund të gjenden në aktakuzën e Gjykatës Speciale./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm