Rreziku kryesor kur Barcelona ta vizitojë “Santiago Bernabeun” do të vijë padyshim nga Lionel Messi, siç ka ndodhur shumë shpesh në të kaluarën.
Dhjetëshi i Barcelonës kënaqet duke shënuar në shtëpinë e Real Madridit, aq shumë saqë 14 nga 24 golat e tij kundër gjigantit spanjoll kanë ardhur në “Santiago Bernabeu”, më shumë sesa ka shënuar në “Camp Nou”, transmeton Express.
E gjitha nisi më 2 maj 2009, kur Messi shënoi dy herë në sezonin e parë të Pep Guardiolas në fitoren 6-2, e cila do jetojë gjatë në kujtesë.
Hera tjerët kur ai shënoi në “Bernabeu” ishte në sezonin pasues, kur e pranoi topin pas një pasimi të Xavit, e kaloi Raul Albiolin dhe e mposhti Iker Casillasin duke e futur topin në rrjetë me këmbën e tij më të dobët, për 2-0.
Në sezonin 2010/11, Reali dhe Barça u takuan brenda pak ditësh dhe ai shënoi në ligë, nga penalltia, dhe në Ligë të Kampionëve, gjersa i la për të vdekur disa mbrojtës të Real Madridit, për të shënuar golin më të mirë deri më sot në “Bernabeu”.
Ai, po ashtu shënoi edhe në sezonin 2011/12, duke e mposhtur Pepen dhe Casillasin përsëri, ama i është dashur të priste deri në Super Kupën e Spanjës një vit më vonë për të shënuar përsëri, kësaj radhe nga goditja e dënimit, edhe pse ajo nuk mjaftoi për t’ia fituar trofeun skuadrës së vetë.
Goli i radhës i Messit në ligë në “Bernabeu” erdhi në sezonin 2012/2013, kësaj radhe duke e mposhtur Diego Lopezin.
Në sezonin pasues, argjentinasi regjistroi hetrikun e dytë kundër rivalit të përjetshëm dhe të parin në “Bernabeu”, me dy penallti që i ndihmuan t’ia sigurojë fitoren 4:3 Barçës.
Megjithatë, pas kësaj, pesë herë fituesi i Topit të Artë, u përball me tri vite pritje për të festuar në “Bernabeu” përsëri.
Por, ia ka vlejtur pritja, e cila erdhi në El Clasicon e fundit në ligë, në të cilën Messi shënoi golin e fitores për Barçën në minutat shtesë të ndeshjes për t’ia siguruar fitoren 3:2 skuadrës së vet. Në fund Messi festoi duke ia shfaqur emrin turmës në “Bernabeu”.
Të shtunën, Messi rikthehet me qëllim ta shtojë numrin e golave në “Bernabeu”. /Express/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...