Google ADS

Man Utd ofron 60 milionë për Alex Sandron

12:10 | 19 Dhjetor 2017
Arbresh Info

Gjiganti në Premierë Ligë, Manchester United thuhet se do të sfidojë rivalin në ligë, Chelsean, për mbrojtësin Alex Sandro të Juventusit.

Trajneri i “Djajve të Kuq”, Jose Mourinho është një tifoz i madh i futbollistit brazilian dhe ai është i vendosur për të sjellë atë në Old Trafford, transmeton portali arbresh.info.

Bazuar në raporte të ndryshme, trajnerit portugez i është dhënë leje të shtrojë një ofertë prej 60 milionë funta për Alex Sandron, gjë të cilën Juventusi duket se do ta marrë me shumë seriozitet.

“Zonja e Vjetër” tashmë ka refuzuar oferta të shumta nga Chelsea, por ata mund të konsiderojnë oferta më të dobëta për shkak të rënies së formës.

Alex Sandro duket se synon transferimin në Premierë Ligën e Anglisë dhe Juventusi mund të detyrohet të shes në janar 26-vjeçarin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm