Barcelona ka mposhtur me shume lehtësi Deportivo La Coruna, me rezultat të pastër 4 me 0.

Skuadr e Ernesto Valverde, është duke vazhduar me hapa të sigurt drejt titullit të kampionit në La Liga.

Barça kaloi në epërsi në minutën e 29, pas një asistimi të Messi për sulmuesin e rrezikshëm, Luis Suarez, i cili shënoi në portën e zbrasur për rezultatin 1 me 0.

Gjiganti katalan për asnjë moment nuk u rrezikua nga Deportivo dhe kështu shënoi edhe njëherë në pjesë të parë.

Goli i dytë u shënua në minutën e 41, nëpërmjet mesfushorit brazilian, Paulinho.

Pjesa e parë përfundoi me këtë rezultat.

Me të filluar pjesa e dytë, Barcelona shënoi edhe golin e tretë dhe ishte përsëri sulmuesi uruguain, Luis Suarez, ky gol ishte i dytë i tij personal në këtë takim.

Në minutën e 70 vendasit e fituan një mundësi të artë për të shënuar edhe golin e katërt nga pika e bardhë, por superylli Lionel Messi, nuk arriti ta konvertoi në gol.

Pas pesë minutash, katalunasit e shënuan edhe golin e katërt, përsëri me anë të brazilianit, Paulihno, i cili shënoi për 4 me 0.

Barcelona me këtë fitore vazhdon të jetë liderë në La Liga, me 42 pikë pas 16 xhirosh, ndërsa Deportivo në vendin e 17 me 15 pikë. /arbresh.info/