Google ADS

800 mijë euro për ndërtimin e rrugëve të disa fshatrave ne Gjilan

16:37 | 16 Dhjetor 2017
Arbresh.info

Kryetari i komunës së Gjilanit, Lutfi Haziri ka nënshkruar kontratë në vlerë prej 800 mijë euro për asfaltimin e rrugëve të disa fshatrave në Gjilan.

Haziri ka treguar se fshatrave të cilave do t’u ndërtohen rrugët janë fshatrat, Çelik, Pidiq, Bresalc, Llashticë, Zhegër, Velekincë dhe Selishtë.

Postimi i plotë:

“Jam jashtëzakonisht i lumtur të ndaj informatën me banorët e fshatrave, Çelik, Pidiq, Bresalc, Llashticë, Zhegër, Velekincë dhe Selishtë se kam nënshkruar kontratën në vlerë prej 800 mijë eurove për ndërtim të rrugëve.

Në kuadër të kësaj shume që e investon Komuna e Gjilanit parashihet investimi i rrugëve kryesore, ndërsa në fshatrat e mëdha si në Zhegër dhe Bresalc do të ndërtohen dhjetë rrugë lokale të brendshme, duke përfshirë edhe rrugët në lagjen e “Makiqëve” në Bresalc.

Besoj shumë që ky është urimi më i mirë për këtë fundvit, për banorët e këtyre fshatrave!”, ka shkruar Haziri në Facebook.

Shpërndaje në rrjete sociale

Lajmet më të lexuara

Të ngjashme

Foto lajm