Zëvendëskryeministri i Kosovës, njëherit Ministri i Punëve të Jashtme, Behgjet Pacolli ka thënë se demarkacioni është një temë tejet e ndjeshme.
“Tentohet që Kosovën ta definojnë shtet të cilit i besojmë, ose shtet i cili ka falimentuar. Këtu është udhëkryqi ynë që duhet ta zgjedhim. Kjo më është thënë në çdo zyre të miqve më të mëdhenjë të Kosovës. Këtu unë mbetem pa fjalë “, ka thënë ai në RTK.
Pacolli ka thënë se nuk po pranohen faktet e komisionit të dytë.
“Miqtë tanë nuk i konsiderojnë faktet e komisionit të dytë si valide. Kam qenë i befasuar që shtetet mike nuk po i marrin këto fakte. Ata mendojnë që ka ekzistuar një bashki më herët ku nuk kanë qenë të ndara tokat dhe se tani bazohen vetëm në Kushtetutë”, ka thënë ai.
Sipas Pacollit sfida e Demarkacionit duhet të tejkalohet.
“Ky dokument nuk do të shkoj në Kuvend pa i pasur votat. Për ti siguruar votat besoj që do të ketë shumë takime dhe debate interne ku do të mirret parasysh çdo pjesë e letrës dhe do të lihet në dorën e deputetëve. Për mendimin tim do të kisha dashur shumë që kjo sfidë të tejkalohet sa më parë, të shkojë nga tavolinat sepse është duke i bllokuar proceset në Kosovë”, ka thënë ai.
Dueli i rëndësishëm në Ligën e Kombeve, dalin në shitje bile...
Zbulohet data/ Ja kur është dasma e Dafinës dhe Kreshnikut
Sot në ora 14:43 fillon sitna e vjeshtës, IHMK njofton për p...
Të shtëna masive në Alabama, të paktën katër të vdekur dhe s...
Rikthimi i shërbimit ushtarak në Serbi, Mustafi: Rinia shqip...
Policia shqiptoi mbi 2200 gjoba brenda 24 orëve në Kosovë