Google ADS

Kina bën thirrje që Jerusalemi Lindor të bëhet kryeqytet i Palestinës së pavarur

20:47 | 15 Dhjetor 2017
Trina Galanxhi

Kina ka shprehur mbështetjen e saj për krijimin e një shteti të pavarur palestinez, bazuar në kufijtë e vitit 1967.

Një zëdhënës i Ministrisë së Jashtme e ka bërë deklaratën gjatë një konference për shtyp, ndërkohë që i është përgjigjur pyetjeve mbi deklaratën e kombeve myslimane që pohuan se Jerusalemi Lindor është kryeqyteti i Palestinës, shkruan “Xinhua”, transmeton portali arbresh.info

“Kina e kupton shqetësimin e vendeve islamike për statusin e Jerusalemit”, tha zëdhënsi Lu Kung, duke shtuar se Kina “bën thirrje për zgjidhjen e çështjes në përputhje me rezolutat përkatëse të OKB-së dhe konsensusin ndërkombëtar”.

Kombet e Bashkuara shpresojnë që Jerusalemi të bëhet kryeqytet i dy shteteve.

Javën e kaluar OKB-ja ka konfirmuar pozicionin e saj të pandryshueshëm pas vendimit të Presidentit Donald Trump për të njohur Jerusalemin si kryeqytet i Izraelit.

Kina gjithashtu ka bërë thirrje për negociata mes Izraelit dhe Palestinës, në mënyrë që të arrihet një zgjidhje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm