Sulmuesi suedez, Zlatan Ibrahimovic, ka ‘sulmuar’ ish trajnerin e tij, Pep Guardiola, duke e quajtur ‘i pa rritur”.

Ibrahimovic ishte transferuar në Barcelonë në vitin 2009 dhe ishte nën urdhërat e Guardiolës, por ai qëndroi në klub vetëm për një sezon, pasi ai kishte dështuar të siguronte një vend në formacionin startues.

Tani, sulmuesi i Manchester United, ka fajësuar Guardiolën për dështimin e tij në Barcelonën.

Ibra këto fjalë për ish trajnerin e tij i ka thënë në një intervistë për Sky Sport Italia.

“Unë u hyja në dhomë dhe ai mënjëherë dilte nga aty. Unë shkoja që ta takoja atë, ai shkonte diku tjetër. Unë e kuptova që po ndodhte diçka mbrapa futbollit”, tha Ibra.

“Problemi ishte te ai, ishte ai që nuk e zgjidhte problemin me mua. Më kujtohet dita e parë, ai më tha se lojtarët e Barcelonës nuk vin me Ferrari apo Porsche në stërvitje. Ai veq më kishtë gjykuar mua, por nëse nuk e njihni një person, nuk mund të gjykoni atë. Unë e pata një eksperiencë me të, nuk e di për të tjerët”, shtoi legjenda suedeze.

“Unë lexoj të njëjta gjëra që ju ka ndodhur edhe Mario Mandzukic dhe Samuel Eto’o. Ai nuk është trajneri më i dobët që kam punuar, por ai sigurisht është më i pa rrituri, sepse një burrë i zgjedh problemet e tij”, përfundoi Ibra.

Kjo deklaratë e tij, vjen pas tensioneve të rritura ndërmjet United dhe City, pas fitores së Cityt në derbin e qytetit me rezultat 1 me 2, në Old Trafford.

Është raportuar se pas përfundimit të takimit, ka ndodhur një përleshje ndërmjet futbollistëve të United dhe Cityt, pasi Mourinho kishte kritikuar lojtarët e Guardiolës për festën e tyre të ekzagjeruar.

E gjithë kjo besohet të ketë ndodhur, pasi stafi i Guardiolës, kishin sulmuar me fjalë yllin suedez.

Marca raporton se ata i kishin thënë: ‘Ibra, ti flet shumë por bën shumë pak’.

Tashmë, Federata e Futbollit Anglez ka filluar një hetim rreth këtij incidentit edhe pse që të dy skuadrat e kanë mohuar se të ketë ndodhur.

Ibrahimovic ishte larguar nga Barcelona për në AC Milan në vitin 2010, fillimisht në formë huazimi dhe më pas kishte kompletuar transferimin e tij në San Siro. /arbresh.info/