Google ADS

Siguria në Aeroport, në nivel të duhur

15:55 | 12 Dhjetor 2017
M. A.

Ministri i Punëve të Brendshme, Flamur Sefaj, priti në takim drejtorin e Aeroportit Ndërkombëtar të Prishtinës “Adem Jashari”, Haldun Firat Kokturk.

Në këtë takim u bisedua për punën dhe gjendjen e sigurisë në Aeroport ku u konstatua se niveli i sigurisë në ANP respekton standardet e parapara të sigurisë.

Me këtë rast, ministri Sefaj theksoi se është përkushtim i MPB-së që të punojë së bashku që udhëtarët të cilët kalojnë nëpër këtë Aeroport të vazhdojnë të ndihen të sigurt.

Ndërsa, Kokturk prezantoi para Sefajt projektet dhe të arriturat e Aeroportit, duke theksuar se këto të arritura janë rezultat i suksesit të partneritetit publiko-privat dhe se ky është një shembull i mirë edhe për kompanitë tjera të huaja që të vijnë të investojnë në Kosovë.

Në fund të këtij takimi të dy bashkëbiseduesit u dakorduan që bashkëpunimi i mirë mes MPB-së dhe Aeroportit do të vazhdojë edhe në të ardhmen./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm