Kryeministri i Kosovës, Ramush Haradinaj, priti në takim një delegacion të Ministrisë së Punëve të Jashtme dhe të Tregtisë të Hungarisë, të kryesuar nga komisioneri ministror, Istvan Joo.
Sipas komunikatës nga zyra për informim e kryeministrit, Haradinaj falënderoi shtetin hungarez për mbështetjen e gjithanshme në avancimin e agjendës euroatlantike të Kosovës, duke kërkuar vazhdimin e përkrahjes në fusha specifike, si çështjen e impianteve për trajtimin e ujërave, mjedisit në përgjithësi dhe aspekte tjera të rëndësishme për vendin.
Haradinaj e njoftoi delegacionin nga Hungaria për progresin e arritur në Kosovë që nga marrja e mandatit dhe për angazhimin maksimal të qeverisë për reformën në fushën e sundimit të ligjit dhe zhvillimit ekonomik, që ndikojnë drejtpërdrejt në rritjen e mirëqenies së qytetarëve.
Ndërkaq, komisioneri ministror, Istvan Joo, falënderoi kryeministri për pritjen, duke theksuar gatishmërinë e Hungarisë për thellimin e bashkëpunimin në fushat e interesit reciprok.
Sveçla kujton Audrius Šenavičius, në 11 vjetorin e vrasjes s...
Benfica shënon fitore të madhe në Beograd
Leverkuseni ‘demolon’ Feyenoordin në Ligën e Kampionëve
Monaco-Barcelona, formacionet zyrtare
Gjimshti starton ndaj Arsenalit, këto janë formacionet zyrta...
Lëndohen 2 persona nga shpërthimi i një bombole gazi në një ...