Real Madridi ofron më shumë të holla se Barça për Coutinhon

11:03 | 8 Dhjetor 2017
Arbresh Info

Real Madridi ka kërcënuar planet e Barcelonës për yllin e Liverpoolit, Philippe Coutinhon.

Reprezentuesi i Brazilit pritet të pranojë një ofertë madhështore në janar nga Barcelona dhe bisedimet nga gjiganti katalunas besohet se kanë shkuar deri në 140 milionë euro, transmeton portali arbresh.info.

Megjithatë, ‘El Mundo Deportivo’ thotë se Real Madridi i është futur garës derisa merkato e muajit janar është vetëm disa javë larg. Kontakti me agjentët e Coutinhos, përfshirë Kia Joorabchian, janë bërë dhe shqetësimi i Barcelonës është fuqia financiare e Real Madridit.

Edhe pse ata nuk kanë shtruar ofertë për Liverpoolin, besohet se Real Madridi do të përgatisë diçka superiore për Coutinhon në krahasim me atë që Barcelona është duke ofruar.

Të dy shpresojnë në transferimin e Coutinhos muajin e ardhshëm duke e ditur që çmimi i tij mund të shkoj edhe më lartë nëse ai shkëlqen gjatë verës në Kampionatin Botëror./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm