Real Madrid është tetë pikë mbrapa Barcelonës, që është në pozitën e parë dhe që të dyja kanë barazuar në ndeshjet e fundit të tyre.

Barcelona barazoi në Nou Camp me Celta Vigon, ndërsa Real Madridi arriti një barazim pa gola kundër Athletic Bilbaos në San Mames.

Ky barazim tregoi se në këtë sezon nuk është duke shkuar mirë për kampionët aktual të La Ligës dhe të Ligës së Kampionëve.

Reali duhet që ta fitojë El Clasicon për ta shpëtuar sezonin e tyre.

Fitore në El Clasico ose një katastrofë e madhe?

Ky është starti më i keq i Real Madridit që nga viti 2008. Barcelona mund të rrisë epërsinë në 11 pikë, në rast të fitores në El Clasico në Bernabeu që do të zhvillohet më 23 dhjetor. Natyrisht që shpallja si kampion i ligës nuk është i vetëmi qëllim i Realit por do të ishte një fakt tejet i keq nëse do të ishin jashtë garës për titull kaq herët. Reali në janar do të marrë pjesë në Kupën e Botës për skuadra.

Pse kanë rënë kaq poshtë?

Ata nuk mund të shënojnë gola. Që nga sezoni 2006/07 nuk kanë shënuar kaq pak gola në këtë fazë të sezonit, vetëm 25 gola në 14 ndeshje. Gareth Bale më shumë është i lënduar se sa në fushë për të shënuar gola. Alvaro Morata kishte shënuar katër gola në këtë fazë, tani ai është duke shënuar për Chelsean, dhe Karim Benzema ka shënuar vetëm dy gola. Shtuar edhe faktin që Cristiano Ronaldo, këtë sezon nuk është në formën e tij më të mirë, që nga transferimi i tij në vitin 2009.

Ronaldo nuk është duke shënuar?

Ronaldo ka 68 goditje në këtë sezon dhe vetëm dy gola. Lidhja telepatike e tij me Benzeman në sulmin e Realit, është shuar. Ata dështuar të pasonin topin njëri-tjetrit në pjesë të parë ndaj Bilbaos. Bale është duke iu munguar për t’iu krijuar hapësira në sulm me vrapimet e tij.

Morata më nuk është për të shënuar nga banka rezervë?

Askush nuk është duke kontribuar nga banka rezervë. Zinedine Zidane në këtë sezon nuk është duke iu besuar rezervistëve. Sezonin e kaluar Morata kishte shënuar 20 gola nga banka rezervë.

(Analizë e Daily Mail Sport, përkthyer nga Arbresh.info sport)