Mëngjesin e të dielës pothuajse në gjithë Zvicrën ka mbretëruar një mot me ngrica.
Kjo, sigurisht ka qenë më e theksuar në zonat e larta dhe malore. Temperatura më e ulët sot, ka qenë minus 23.4 gradë celsius, e regjistruar në Buffalora, në Offenpass të Kantonit Graubünden, njofton SRF-Meteo.
Por kjo temperaturë nuk ka qenë njëherësh më e ulëta e shënuar deri tash në këtë stinë. Në Jungfraujöch, një javë më parë është regjistruar një temperaturë për 0.3 gradë më e ulët (minus 23.7 gradë).
Ndërsa në mëngjesin e sotëm, në pikën e përmendur ka qenë “vetëm” minus 21 gradë celsius, shkruan albinfo.ch.
Por afërsisht kaq ftohtë ka qenë edhe në fshatin La Brevine që ndryshe quhet edhe “Siberia e Zvicrës”. Me minus 22.8 gradë, ky fshat në mëngjesin e sotëm ka qenë vendbanimi më i ftohtë në Zvicër.
Mot mjaft i ftohtë ka mbretëruar mbrëmë dhe paraditen e sotme edhe në Tiçino, të njohur si “tarracë diellore” e Zvicrës. Në Megadino , temperaturat janë ulur deri në minus 7.5 gradë.
Sipas SRF Meteo shkak për këto temperatura të ulëta ka qenë nata e mbrëmshme që ka qenë e kthjellët./albinfo.ch
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...