Google ADS

Igli Tare ia siguron Lazios këtë futbollist

19:45 | 3 Dhjetor 2017
Arbresh.info

Me tregun e janarit që do ende edhe pak ditë të hapet zyrtarisht, të gjitha klubet thuajse i kanë planifikuar lëvizjet dhe po punojnë për realizimin e tyre.

Kështu, menaxheri i Lazios, Igli Tare ka arritur të sigurojë tashmë edhe afrimin e parë në klubin bardhekaltër, mbrojtësin uruguaian të Hellas Veronës, Martin Caceres.

Ky i fundit ka një kontratë që e lidh me klubin veronez deri më datën 6 janar dhe pastaj do t’i bashkohet skuadrës së Simone Inzaghit me parametra zero, raporton Top Channel.

Caceres do të nënshkruajë një kontratë gjashtë mujore, që rinovohet automatikisht edhe për një tjetër sezon, nëse lojtari do të luajë në të paktën 50 per qind të ndeshjeve.

Mbrojtësi në të kaluarën në Serie A ka luajtur edhe për Juventusin, por ai u bë i njohur te Barcelona.

30-vjeçari në vitet e fundit është përballur me shumë lëndime. /TCh/

Tare ka siguruar shërbimet e Caceres

Shpërndaje në rrjete sociale

Lajmet më të lexuara

Të ngjashme

Foto lajm