David De Gea futet në histori të Premierligës, pas super paraqitjes ndaj Arsenalit

21:06 | 2 Dhjetor 2017
Arbresh.info

Manchester United ka fituar derbin e xhiros së 15-të të Premierligës ndaj Arsenalit me rezultat 1 me 3.

Kjo ndeshje po cilësohet si më e mira e sezonit deri tani, pasi u zhvillua një super ndeshje nga të dy skuadrat. Kishte gola, aksione të bukura, kartona të verdhë e të kuq, pritje briliante nga të dy portierët, Peter Chech dhe David De Gea.

Por, më meritori për fitoren e skuadrës së Jose Mourinhos, pa dyshim që ishte portieri spanjoll, David De Gea, i cili me pritjet e tij nuk lejoi Arsenalin të rikthehej në lojë.

De Gea ia mohoi golin Lacazettes disa herë

 

De Gea në këtë ndeshje ka bërë 14 pritje dhe është portieri i parë që e ka arritur këtë statistik në histori të Premierligës Angleze, shkruan arbresh.info.

Spanjolli në këtë ndeshje u vlerësua me notën 10 dhe u shpall lojtari i ndeshjes.

De Gea ka bërë 14 pritje duke u futur në analet e historisë së Premierligës

 

Reprezentuesi spanjoll tashmë konsiderohet si portieri numër një i botës dhe pritet që vazhdojë më këso paraqitjesh. /arbresh.info/

https://twitter.com/FootbalIhub/status/937043648897863680

Shpërndaje në rrjete sociale

Lajmet më të lexuara

Të ngjashme

Foto lajm