Google ADS

Thomas Lemar, ende një opsion kualitativ për Arsenalin

18:47 | 1 Dhjetor 2017
Arbresh Info

Arsenali do të bëjë një ofertë të re gjatë muajit janar për të sjellë në klub sulmuesin Thomas Lemar nga Monaco.

Thomas Lemar ishte njëri nga yjet e sezonit të kaluar në futbollin evropian që ngjalli spekulime gjatë gjithë sezonit rreth largimit nga Monaco, transmeton portali arbresh.info. Megjithatë, largimi i tij nuk u arrit dhe ai vazhdoi qëndrimin te kampioni në fuqi i Ligës 1.

Tani duket se të gjitha thashethemet për transferime do të rikthehen në janar pasi ‘DailyMail’ raporton që Arsenali është i gatshëm të rikthehet për të pas ofertës prej 90 milionë funta që shtroi në muajin gusht.

Lexo edhe: Shkodran Mustafi shpallet lojtari më i mirë në Premierë Ligë

Sidoqoftë, ata nuk do të jenë të përgatitur për të ofruar sërish atë shumë pasi vlera e zbehur e sulmuesit Alexis Sanchez është duke penguar ofertën e tyre të rinovuar.

Lemar nuk zgjodhi transferimin gjatë verës por raporti shton që ai tani është i hapur për transferim, gjë që do të thotë se Monaco mund të detyrohet të nis bisedimet me klubin londinez./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm