Që prej mbrëmjes së djeshme 11 personat e evakuuar nga fshati Valias në Kamëz, ndodhen në Qendrën Shëndetësore të Komandës së Forcave Tokësore në Zall-Herr. Ata tregojnë frikën dhe momentin e shpëtimit nga batalioni i forcave speciale.
“Uji na mbulonte. Vetëm muret i kam, të gjitha janë përmbytur”, tregon Lavdie Tusha, banore e Valiasit.
Në merak për shtëpitë e tyre, disa prej banorëve të evakuuarve, janë rikthyer në Valias. Petrit Bushkulaj, tregon se pavarësisht barrierës me rërë që kishte ngritur, sërish uji nuk shpëtoi shumëçka në shtëpinë e tij, shkruan top channel.
“Këtë herë jemi përmbytur totalisht. Gati gjysmë metri hyri brenda”, tregon Petrit Bushkolaj, banor në Valias.
Familja e Astrit Gjanës pa si të vetmen zgjidhje ngjitjen në tarracën e katit të dyte derisa uji të zmbrapsej nga shtëpia e tij.
“Për 1-2 orë u bë tmerr. Lopën e kisha në ujë. pa drita, tmerr i paparë”, tregon Astrit Gjana banor në Valias.
Banorët e zonës së Valiasit shprehen se nuk është hera e parë që preken nga përmbytja, dikush numëron deri në 8 përmbytje nga vitet e kaluara, ku kuptohet se bashkangjitur e gjitha kjo, ka edhe një faturë financiare.
“Librat e djalit, janë lagur. Ishte mbushur vendi me ujë. Kemi qëndruar pa gjumë nga frika se mos mbytemi”, tregon Valbona Bushkolaj, banor në Valias.
Shumica prej tyre banorëve pasi kanë shpëtuar familjet dhe janë zhvendosur nëpër të afërmit e tjerë, janë rikthyer në shtëpitë e tyre për të pastruar e larguar ujin, si dhe për të parë bagëtitë./Top Channel
PSD: Nuk marrim pjesë në zgjedhje, do të jemi aktiv përmes a...
Kurti mirëpriti gjeneratën e tretë të Programit për Diplomac...
Lansohet projekti “Mendjet për Paqe”, ofron mundësi trajni...
Nënë e bijë gjenden të vdekura në shtëpinë e tyre në Sllatin...
Shqiptaro-amerikanët në Miçigan dhe zgjedhjet presidenciale
Gjashtë shtetet e Ballkanit Perëndimor miratojnë Deklaratën ...