Kalimi i Marrëveshjes së Demarkacionit me Malin e Zi dhe fillimi i dialogut Kosovë – Serbi mbeten çështje kryesore për Kosovën. Kështu ka thënë ministri i MPJ-së, Behgjet Pacolli, në kuadër të vizitës së tij në Shtetet e Bashkuara të Amerikës.
Ai në SHBA është pritur në një takim të ndarë në Departamentin Amerikan të Shtetit nga ndihmëssekretari i Shtetit për Evropë dhe Euro-Azi, Wess Mitchel, i cili shoqërohej edhe nga zëvendësndihmësi i Sekretarit të Shtetit, Hoyt Yee.
Në kuadër të këtij takimi është diskutuar mbi nivelin e marrëdhënieve në mes dy vendeve, duke përfshirë çështjet më parësore, zhvillimet e gjithëmbarshme politike në rajon, si dhe nevojën e rritjes së angazhimit amerikan në këtë pjesë.
“Zhvillova një takim shumë pozitiv me ndihmëssekretarin e Shtetit për Evropë dhe Euro-Azi, z. Wess Mitchel dhe zëvendësndihmësi i Sekretarit të Shtetit, Hoyt Yee. Rikonfirmuam bashkëpunimin dhe marrëdhëniet e shkëlqyera në mes dy vendeve dhe dy popujve në të gjitha fushat. Mbështetja amerikane për Kosovën do të vazhdojë të jetë edhe më e fuqishme dhe do të ketë angazhim më të madh të ShBA-ve në Kosovë dhe rajon.
Do të jemi në sintoni të plotë në çdo hap dhe veprim. Partneriteti dhe aleanca jonë strategjike është e palëkundur dhe e përjetshme”, ka thënë ministri i Jashtëm Pacolli.
Ndihmëssekretari i Shtetit për Evropë dhe Euro-Azi, Wess Mitchel, pranoi detyrën e tij të re në tetor të këtij viti, ndërsa është përgjegjës për marrëdhëniet diplomatike me 50 vende të Evropës dhe Euro-Azisë, duke përfshirë NATO-n, BE-në dhe OSBE-në.
Lamine Yamal aktualisht më shumë paguhet nga Adidas se nga B...
Parandalohet kontrabandimi i mallrave nga RMV drejt Kosovës,...
Prindërit raportojnë në polici zhdukjen e dy fëmijëve të tyr...
Theret me thikë një person në Fushë Kosovë
Gjendet pa shenja jete një person në objektin ku punonte si ...
Platforma “Deputeti që Duam”, Rama: Deri më tani janë kryer ...