Një super operacion kundër trafikut ndërkombëtar të drogës u ndërmor mbrëmjen e 27 nëntorit në Breshia.
Flitet per disa ton hashash e kile kokaine që vinin nga jashtë me destinacion tregun italian. Pas hetimeve disa mujore karabinierët e Breshias në bashkëpunim me prokurorinë lëshuan 20 mandate arresti, 16 prej të cilave të ekzekutuara. 4 persona janë në arrati.
Mediat italiane bëjnë me dije se bëhet fjalë për 12 shtetas shqiptar dhe 8 italianë. Ata ishin pjesë e një organizate kriminale që sipas forcave të rendit, importonte kokaine nga Holanda dhe mariuanë nga Shqipëria përmes kanaleve e mekanizmave të ndryshëm.
Në rrjetën e policisë përfunduan trafikantë, ndërmjetës, korrierë e shpërndarës në të gjithë Italinë. Siç mësohet, trafikantët udhëtonin në Europën veriore me avion nga Breshia për ta ngarkuar më pas kokainën në fundin e dyfishtë të automjeteve.
Më pas lënda narkotike mbërrinte në Itali për të furnizuar tregun atje. Kurse hashashi arrinte territorin italian përmes skafisteve, që siç thonë mediat niseshin nga Shqipëria me gomone të mbushura plot. Pasi shkarkohej, droga dërgohej nga korrierët deri në Italinë veriore. Ndërkaq në një operacion tjetër në Katania policia vuri në pranga një shtetas shqiptar e një italian dhe sekuestroi 31 kg hashash.
Autoritetet lokale ishin sinjalizuar se mbrëmjen e 27 nëntorit shtetasit Agatino Piano do t’i dorëzohej sasia e drogës nga korrieri shqiptar Vladimir Kapaj, 41 vjeç, duke i kapur në flagrancë ata./Top Channel/
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...