Një i vdekur dhe një i lënduar nga aksidenti në Fushë Kosovë

09:57 | 25 Nëntor 2017
Arbresh.info

Në fshatin Bresje të Fushë Kosovës ka ndodhur një aksident trafiku me fatalitet.

“I dyshuari mashkull K/Shqiptar derisa ishte duke drejtuar veturën e tipit BMË, dyshohet nga pakujdesia dhe mospërshtatja e shpejtësisë kushteve të rrugës, ka humbur kontrollin mbi veturë dhe ka goditur mbrojtëset e rrugës-autostradës”, njofton Policia  përmes raportit 24 orësh.

Si pasojë e aksidentit lëndime vdekjeprurëse ka pësuar pasagjeri që ishte në veturë, dhe trupi i të ndjerit është dërguar në IML për obduksion.

Po ashtu lëndime ka pësuar edhe një pasagjerë tjetër  i cili është dërguar për tretman mjekësor në QKUK.

Ndërsa, drejtuesi i veturës është dërguar në mbajtje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm