Numri dy i Vetëvendosjes, Dardan Sejdiu, ka thënë se ndaj aktivistëve të Lëvizjes po ushtrohet dhunë nga shteti e pushteti.
Në “Interaktiv” të KTV-së, ai ka thënë se është e papranueshme se si Gjykata Themelore kërkon që të arrestohen deputetët që kundërshtuan një vendim të cilin Gjykata Kushtetuese ka vendosur se ka shkelje në 22 nene, atë për Asociacionin e Komunave me shumicë serbe.
“Deputetët kanë hedhur gaz lotsjellës për të kundërshtuar vendimin e dëmshëm të Republikës, e cila u vërtetua edhe nga Kushtetuesja”, ka thënë Sejdiu.
Sejdiu ka thënë se Vetëvendosje nuk mund ta pranojë këso sistemi të drejtësisë, që siç ka thënë për këto vite nuk ka arrestuar asnjë keqpërdorues dhe nuk ka goditur krimin institucional, ndërsa ka thënë se aktivistët e Vetëvendosjes kanë mbajtur më shumë burg se cilido kriminel në Kosovë.
“Te cili gjyqtar të shkojmë, te z. Kalludra, që ka vendosur mbi 21 vjet burg për aktivistët tanë vetëm duke u bazuar në indicie”, ka thënë Sejdiu.
Ai e ka quajtur të palogjikshëm mbajtjen për 30 ditë në paraburgim të Albin Kurtit, Donika Kadaj Bujupi e Albulena Haxhiu.
“Meqë qëllimi paska qenë që të sillen në Gjykatë le të merren dhe të dërgohen në Gjykatë. Pse duhet mbajtur në paraburgim për një muaj. Intenca është e qartë e metodat janë si duket këto të vetmet që ju kanë mbetur”, ka thënë Sejdiu, përcjell Koha.net.
Ai ka thënë se nuk e di arsyen pse tre deputetët nuk kanë shkuar në seancë gjyqësore, por ka thënë se nuk sheh arsye pse Kurti, Haxhiu e Kadaj të arrestohen me forca speciale.
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë