Udhëheqësi francez e quan çnjerëzore tregtinë e emigrantëve në Libi

21:55 | 22 Nëntor 2017
Arbresh.info

Presidenti francez Emmanuel Macron të mërkurën e quajti tregtinë e skllevërve në Libi një “krim kundër njerëzimit”.

Komentet e Macron erdhën pasi CNN transmetoi më 14 nëntor një video shokuese që tregon emigrantët afrikanë duke u shitur si skllevër për 400 dollarë, transmeton portali arbresh.info

Duke folur në një konferencë të përbashkët shtypi me homologun e tij guinean dhe kryetarin aktual të Unionit Afrikan Alpha Conde, Macron tha se ishte e rëndësishme për të shpërbërë rrjetet e trafikantëve.

Ai shtoi se trafikimi i qenieve njerëzore gjeneron 30 miliardë euro në vit dhe prek 2.5 milionë njerëz.

“Gratë dhe fëmijët përbëjnë 80 për qind të viktimave,” tha ai.

Conde tha se situata e rëndë e refugjatëve dhe emigrantëve të mbërthyer në Libi është “e papranueshme”.

Ai i bëri thirrje BE të ndërhyjë për shkak të paqëndrueshmërisë politike në Libi./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm