Kandidati i Aleancës për Ardhmërinë e Kosovës në Klinë, Zenun Elezaj ka arritur të mposhtë në balotazh kundërkandidatin e tij nga radhët e Partisë Demokartike të Kosovës, Sokol Bashotën, i cili që nga pas lufta ka qeverisur këtë komunë.
Megjithëse në zgjedhjet e raundit të parë, me 22 tetor Elezaj kishte më pak vota se Bashota, ai në raundin e dytë arriti që ta përmbys rezultatin, duke fituar 52.64 për qind të votave.
Bashota pati 853 vota më pak se fituesi i këtyre zgjedhjeve në Klinë, apo 47.36 për qind të votave.
Në një prononcim për Indeksonline, Elezaj thotë se tani më fitorja e tij është e sigurt, pasi numri i votave me kusht është shumë i vogël.
“Janë vetëm 130 vota, pra nuk munden të ndikojnë ato. Unë jam fituesi i këtyre zgjedhjeve”, ka thënë ai.
I pyetur se cila mendon se është arsyeja që qytetarët e kanë nxjerr atë fitues, Elezaj tha se ka qenë angazhimi i tij gjatë fushatës, por edhe pakënaqësia e qytetarëve me qeverisjen e Bashotës.
“Nuk mund ta quaj përballje, në një formë ne jemi munduar të komunikojmë shumë me elektorat, ta shpalosim programin e mirëfilltë, e kemi marrë mbështetjen e qytetarëve që kanë qenë të pakënaqur me qeverisjen e Bashotës. Besoj që kemi ditur ta shpalosim programin”, ka thënë Elezaj.
Ndryshe, Bashota ka udhëhequr me komunën e Klinës për 17 vjet me radhë.
Interesim i lartë për Fest 2, rezervohen biletat për natën f...
Ilir Meta mbetet në burg, flet avokati i tij pas këtij vendi...
Misioni amerikan në OKB shkruan për takimin e Ambasadorit Wo...
Çfarë e shkakton gjakderdhjen nga hunda/ Si ta ndaloni atë
Arbenita i reagon ashpër Feros: Unë jam ende me trauma dhe e...
Fero: Për Vullnetin ka paragjykime, por brenda në shpirt ësh...