Me qëllim të forcimit të bashkëpunimit dhe koordinimit për realizimin e projekteve mjedisore, Ministrja e Mjedisit dhe Planifikimit Hapësinor, Albena Reshitaj priti në takim përfaqësuesit e organizatës qeveritare gjermane GIZ Kai Hofmann dhe Driton Vatovci, të shoqëruar edhe nga zëvendës Ambasadori i Gjermanisë në Kosovë z. Jan Axel Voss.
Gjatë këtij takimi, pasi falënderoi shtetin gjerman dhe GIZ-in për mbështetjen e ofruar për Kosovën dhe në veçanti për ministrinë që drejton, Reshitaj prezantoi prioritetet e MMPH-së duke u nisur nga trajtimi i mbeturinave, krijimi i zonave të gjelberta, mbrojtja dhe rehabilitimi i shtretërve te lumenjve, reduktimi i ndotjes së ajrit, trajtimi i ujërave të zeza, ruajtja e trashëgimisë, legalizimi i ndërtimeve pa leje si dhe zbatimi i kornizës ligjore të kësaj ministrie, transmeton Klan Kosova.
Nga ana tjetër z. Kai Hofmann prezantoi portofolin e Qeverisë Gjermane në Kosovë, respektivisht bashkëpunimin Gjerman në Kosovë përmes asistencës teknike dhe financiare që ofrohet përmes GIZ-it dhe KFW-së.
Ai prezantoi para ministres edhe tri projektet që GIZ është duke i realizuar në Kosovë : Planifikimi Hapësinor në menaxhimin e tokave, Efiçienca e Energjisë, dhe Shërbimet e qëndrueshme komunale me fokus menaxhimi i mbeturinave.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite