Google ADS

Rreth 50 milionë euro investime të ardhshme në Republikën e Kosovës

10:51 | 20 Nëntor 2017
Arbresh.info

Kryeshefi Operativ i MCC-s, Jonathan Nash ka thënë se presin që dekada e ardhshme të jetë dekadë e përparimit dhe paqes për Kosovën.

Këtë deklaratë, Nash e ka bërë gjatë lansimit të Fondacionit Kosovar të Mileniumit, shkruan arbresh.info.

“Qeveria ka bërë punë të madhe për përparimin e vendit sepse indikatorët që kanë dal kanë treguar këtë qe ka pasur përmirësim sa i përket luftës së korrupsionit, sundimit të ligjit, në shëndetësi e të tjera. Dëshiroj që këto 49 milion të jenë investime të ardhshme për Republikën e Kosovës për të zvogëluar varfërinë dhe për të krijuar stabilitet rajonal”, ka thënë ai.

Nash shtoi se për ekonomitë familjare më të varfra do të mundohen të zvogëlojnë shpenzimet e tyre.

“Do të ndihmojmë edhe gratë, marrëdhëniet me shoqërinë civile, qeverisë dhe popullatës, bashkëpunimi është i rëndësishëm. Do të ndihmojmë edhe në eficienë elektrike, edhe në fusha tjera”, tha ai.

/arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm