“Nuk kam fjetur që nga eliminimi” – presidenti i përlotur i Italisë

21:35 | 18 Nëntor 2017
Arbresh Info

Presidenti i Federatës së Futbollit të Italisë, Carlo Tavecchio ka thënë se nuk ka fjetur qysh nga eliminimi nga Kampionati Botëror të hënën, gjë për të cilën fajëson plotësisht trajnerin Gian Piero Ventura.

Ventura është shkarkuar të mërkurën, dy ditë pas paraqitjes pa gola në shtëpi ndaj Suedisë, gjë që do të thoshte se Italia ka dështuar të kualifikohet në Kampionatin Botëror për herë të parë që nga viti 1958, transmeton portali arbresh.info.

“Debakli ishte teknik, trajneri bëri zgjedhje të gabuara teknike”, ka thënë 74-vjeçari në një pjesë të shkurtër gjatë një interviste për rrjetin ‘Mediaset’ që do të transmetohet nesër.

“Ne kemi luajtur në mënyrën e gabuar. Trajneri është zgjedhur nga unë. Jam në presion, nuk kam fjetur që katër ditë”, ka thënë ai derisa sytë e tij ishin të mbushur me plotë lot.

Pas ndeshjes, Ventura kishte kërkuar falje për rezultatin por jo për përpjekjet që kanë shfaqur lojtarët e tij./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm