Shefi i Senatit italian: Mafia planifikoi të më vriste në vitin 1992

20:55 | 18 Nëntor 2017
Trina Galanxhi

Presidenti i Senatit italian, ka deklaruar se mafia siciliane synonte vrasjen e tij që nga viti 1992, pas shpërthimeve me bombë ku u vranë dy zyrtarë të lartë të Sicilisë.

Presidenti i Senatit, Piero Grasso, shërbeu si gjykatës në një seancë kundër mafia, ku edhe u dhanë dënime për qindra mafiozë gjatë viteve 1980, transmeton portali arbresh.info

Grasso në një intervistë për gazetën italiane “La Stampa” tha se kishte zbuluar se kreu i mafia, Salvatore “Toto” Riina, kishte urdhëruar për vrasjen e tij.

Riina ishte dënuar me burgim të përjetshëm për 26 akuza. Ai vdiq të premten (17 nëntor) në një spital italian.

Grasso thotë se në përgatitjen e komplotit thuhej që ai të vritej nga një bombë në një aheng familjar, në Monreale, Sicili.

Ai ka shtuar se për fat të mirë, sistemi i alarmit të një banke ka ndërhyrë në kohën e njëjtë të bombardimit, kështu edhe është shmangur tragjedia./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm