Debati mbi zërin e Hitlerit çelet sërish nga “The Independent”, që ngacmon kështu një diskutim të hershëm.
Adolf Hitleri njihej për cilësitë e mëdha si orator dhe aftësinë për të tërhequr vëmendjen e turmave. Por fakti që në shumicën e fjalimeve të tij, zëri i liderit nazist ndryshohej, është injoruar nga publiku i gjerë.
Zëri normal i Hitlerit, sipas gazetës britanike online, është pothuajse i panjohur. Ekziston vetëm një regjistrim i zëri të tij të zakonshëm në një bisede jozyrtare, realizuar gjatë vizitës së fshehtë që Fyhreri i bëri në 1942-shin marshallit të Finlandës, Carl Gustaf Emil Mannerheim me rastin e 75 vjetorit të lindjes.
Inxhinieri finlandez i transmetimit Thor Damen Covertly kishte për detyrë të regjistronte fjalimet e ditëlindjeve dhe nuk e ndërpreu atë që po bënte edhe kur diskutimi mes udhëheqësit nazist dhe komandantit të përgjithshëm të forcave të armatosura finlandeze kaloi nga zyrtarë në privat. Hitleri po i shpjegonte Mannerheimit dështimin e operacionit Barbarossa, mposhtjen e italianëve në Afrikën e Veriut, Jugosllavi e Shqipëri dhe armatimet në Bashkimin Sovjetik.
Tekniku kishte arritur të regjistronte 11 minuta kur SS-et e kuptuan se çpo bënte dhe të tërbuar, e urdhëruan të ndalonte menjëherë. Në fund, megjithatë iu lejua ta mbante kasetën me kushtin që ta fshihte diku e të mos e përdorte kurrë.
Aq i ndryshëm është zëri i Hitlerit në një bisedë normale nga ajo çfarë i paraqitej botës në atë kohë sa edhe kur kaseta u bë publike tani vonë, disa mendonin se ishte e rreme pasi njeriu, emri i të cilit sjell konotacionin e të vdekjes dhe të holokaustit, aty tingëllonte tepër i butë.
Shpërthen një cisternë në Pejë, nuk dihet për të lënduar
Dyshohet se tentoi t’i pajisë me viza 58 persona nga shtetet...
Arrestohen dy persona për lëndim të rëndë trupor në Ferizaj
Dita e ndeshjes/ Shqipëria udhëton në Pragë për të marrë pik...
Uragani “Milton”, dëme të jashtëzakonshme ekonomike, rreth 1...
Rama shkon në Hungari, takim me Viktor Orban