Prokurori kërkon ekstradimin e ish-presidentit të Katalonjës, Carles Puigdemont

20:19 | 17 Nëntor 2017
Trina Galanxhi

Një prokuror ka kërkuar që ish-kreu i Katalonjës, Carles Puigdemont të ekstradohet në Spanjë.

Puigdemont dhe katër aleatët e tij separatist u larguan në Bruksel pasi shpallën pavarësine e Katalonjës, transmeton portali arbresh.info

Ata nuk kanë pranuar që të kthehen për t’u përballur me akuzat e rebelimit.

Avokati i liderit të larguar Paul Bekaert, përmes një deklaratë të shkurtër ka theksuar se “prokurori kishte kërkuar ekzekutimin e kërkesës për ekstradim”.

Bekaert gjithashtu zbuloi se seanca gjyqësore për ekstradimin e mundshëm të pesë separatistëve është shtyrë deri me 4 dhjetor.

Spanja tha se anëtarët e qeverisë katalanase, të cilët po kërkohen për rebelim, trazira dhe përvetësim, do të burgosen në burgun modern Estremera jashtë Madridit.

Qeveria belge ka deklaruar se nuk mund të ndërhyjë në kërkesën për ekstradim të Spanjës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm