Google ADS

Skiatori 35-vjeçar humb jetën gjatë stërvitjes

07:52 | 15 Nëntor 2017
Arbresh.info

Skiatori francez, David Poisson, ka ndërruar jetë në pistën e Nakiska (Kanada), teksa ishte duke u stërvitur.

35-vjeçari ishte duke u përgatitur për garat e Kupës së Botës, kur është rrëzuar dhe nga shpejtësia e madhe ka kaluar edhe barrierat mbrojtëse, duke u përplasur me një pemë në anë të pistës. Ky impakt ka qenë fatal për të, pasi ka ndërruar jetë në moment.

Në pistën kanadeze ishin duke u stërvitur skiatorët e Kombëtares franceze, italiane dhe zvicerane, që kanë mbetur të shokuar nga ky incident i rëndë.

“Ishte gjithçka e kotë, pasi Poisson kishte ndërruar jetë menjëherë pas impaktit dhe nuk u krye transportimi i tij në spital”, thanë punonjësit e pistës.

Incidenti ka ndodhur në pjesën e fundit të pistës, gjatë një kthese, ku skiatorët arrijnë shpejtësinë 100km/orë gjatë lëshimit, ndaj dhe impakti ka qenë i fortë.

Shpërndaje në rrjete sociale

Lajmet më të lexuara

Të ngjashme

Foto lajm