Mustafa: Komisioni i ri për Demarkacion duhet t’i ofrojnë faktet e tyre, jo të “Murat Mehës”

18:37 | 13 Nëntor 2017
Arbresh.info

Ish-kryeministri i Kosovës Isa Mustafa ka përqesh Komisionin e ri Shtetëror për Shënjimin dhe Mirëmbajtjen e Kufirit Shtetëror me në krye Shpejtim Bulliqin.

Ai ka pyetur për faktet të cilat ky komision pretendon se ka gjetur, e që dëshmojnë se Kosova ka humbur territor.

Statusi i plotë:

Qytetarët e Pejës dhe të Rugovës e dijnë ku është kufiri me Malin e Zi. Ata e rizgjodhën kryetarin e tyre, i cili pa asnjë hezitim argumentonte se kufiri është aty ku e përcaktoi komisioni shtetëror.

Shtrohet pyetja, pasi këta profesorë etj. që sot e përbëjnë Komision e ri Qeveritar atëherë thonin se i kanë të gjitha faktet dhe dokumentet se Kosova ka humbur 8 mijë hektarë, çfarë fakte ata kërkojnë sot?! Ata duhet t’i ofrojnë faktet e tyre, jo të “Murat Mehës”.

Ditë më parë Kryetari i Komisionit për Shënimin e kufirit,Shpejtim Bulliqi tha se kanë gjetur prova të mjaftueshme që dëshmojnë se Kosova ka humbur territor me versionin aktual të demarkacionit.

 

Shpërndaje në rrjete sociale

Lajmet më të lexuara

Të ngjashme

Foto lajm