Rektori i kërkon sqarime profesorit që “vodhi” Doktoraturën

19:23 | 7 Korrik 2015
M. A.

Rektori i Universitetit të Prishtinës, Ramadan Zejnullahu, është vënë në punë menjëherë pas publikimit të storjes për punimin e doktoratës të profesorit të Ekonomikut, Muhamet Aliu.

KTV-ja ka raportuar javën e kaluar për ngjashmëritë e mëdha të punimit të doktoratës së profesorit Aliu me punimin e dekanit të Fakultetit Ekonomik, Skënder Ahmeti.

Më shumë se 20 faqe të temës së tij të doktoratës janë identike me punimin e dekanit të Ekonomikut, Skënder Ahmeti. Aliu ka doktoruar më 2005, ndërkaq Ahmeti në vitin 2001, raporton KTV.

“Rektori i ka shkruar letër profesorit Muhamet Aliu dhe i ka kërkuar sqarime për ngjashmëritë me punimin e profesorit Skënder Ahmeti dhe nëse ka ndonjë ngjashmëri tjetër me këtë punim ose ndonjë tjetër. I është dhënë afat deri më 10 korrik që të kthej një përgjigje dhe të marrim versionin e tij si protagonist të ngjarjes”, ka thënë Këshilltari i Rektorit, Durim Berisha.

Shpërndaje në rrjete sociale

Lajmet më të lexuara

Të ngjashme

Foto lajm