Armend Zemaj, deputet i LDK-së, i ftuar në Interaktiv të KTV-së, ka folur për zgjedhjet e fundit lokale dhe për garën për balotazh në komunat ku kjo parti gjendet.
Ai tha se partia e tij ka nisur bisedimet me qytetarë dhe u shpreh i bindur se, ndonëse partia e tij doli e para në këto zgjedhje, këtë rezultat vetëm sa do ta përforcojë në balotazh.
Zemaj u shpreh optimist se kandidati i LDK-së për Prishtinë, Arban Abrashi, do të jetë kryetari i ardhshëm i kryeqytetit në përballjen e tij të 19 nëntorit me kryetarin aktual, Shpend Ahmetin e Vetëvendosjes.
“Ajo çka shihet dhe çka është parë në kohën e fundit është se qytetarët e Prishtinës e kanë pritur një kandidat që do të jetë një kryetar i kryeqytetit që do të punojë për kryeqytetin, për qytetarët e saj, do ta bëjë Prishtinën të dashur për banorët, por edhe për të tjerët që do ta vizitojnë, do të jenë krenarë me të. Ajo që është dëshmuar në Prishtinë dhe sigurimi i gjithë atyre votave i atribuohen Arban Abrashit dhe filozofisë së trashëguar politike”, tha ai.
“Unë besoj fuqishëm se qytetarët e Prishtinës, dhe ata që kanë besuar për një kandidaturë tjetër e që nuk janë më në garë, janë të interesuar që të votojnë kandidatin tonë. Programi dhe premtimet e tij janë shumë të qarta. Nga ajo që shoh çdo ditë në çdo cep të Prishtinës, bashkë me Arbanin, shoh se ai do të jetë kryetar i ardhshëm i Prishtinës”, tha Zemaj.
Zemaj tha se LDK është e fokusuar në komunat ku është në balotazh, komuna të cilat mëton t’i fitojë, dhe nuk është duke u marrë me komunat ku nuk janë kualifikuar për balotazh.
Sipas tij, qendra e LDK-së ua ka lënë duart e lira strukturave të tyre nëpër komuna që të vendosin se kah dëshirojnë ta orientojnë votën e elektoratit të tyre në ato komuna ku nuk janë në balotazh.
Deputeti Zemaj tha se ofensiva e VV-së ndaj Abrashit si ministër i Punës po u kthehet si bumerang atyre pasi që, siç tha ai, Abrashi ka qenë ministri më punëtor në qeverinë e kaluar.
“Qytetarët po e shohin se Abrashi nuk merret me tema të mëdha, se çka thotë Brukseli, por merret me qytetarin dhe me problemet e tij”, tha Zemaj.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...