Google ADS

Ambasadori i Gjermanisë vizitoi zyrtarët e Vetëvendosjes

15:47 | 7 Nëntor 2017
Arbresh.info

Deputetët e Lëvizjes Vetëvendosje, Albin Kurti e Fatmire Mulhaxha –Kollçaku, kanë pritur në takim ambasadorin e Gjermanisë në Kosovë, Christian Heldt dhe Sekretarin e parë të Ambasadës, Marten Menger.

Në këtë takim deputetët e VV-së, shprehën falënderimin dhe mirënjohjen e Lëvizjes Vetëvendosje për rolin dhe kontributin e Gjermanisë në të kaluarën dhe në të tashmen e Kosovës; në të gjitha fushat, nga siguria te ekonomia, prej edukimit te demokratizimi.

“Në takimin i cili u zhvillua në atmosferë miqësore dhe të përzemërt, u diskutuan shumë tema e çështje : situata politike në Kosovë, papunësia e madhe e në veçanti tek të rinjtë, integrimi evropian dhe marrëdhëniet bilaterale, mërgata dhe investimet, drejtësia dhe arsimi etj”, thuhet në komunikatën e VV-së.

Në fund, të dyja palët u pajtuan për të vazhduar kontaktin, komunikimin dhe takimet për bashkëpunim sa më të mirë dhe më të ngushtë midis dy shteteve dhe popujve tanë.

Shpërndaje në rrjete sociale

Lajmet më të lexuara

Të ngjashme

Foto lajm