“Maqedonia do të heq dorë nga ajo që territorin e Greqisë ta quaj Maqedonia e Egjeut, për bullgarët nuk do të mësojmë se ata kanë qenë pjesë e okupatorit fashist, ndërkaq Maqedonisë do t’i gjejmë emër të ri.

Kështu ka deklaruar kryeministri, Zoran Zaev, për “Antena M”, në të cilën flet për hapat e ardhshëm në drejtim të përmirësimit të marrëdhënieve me fqinjët

“Revizion… Kur flitet për revision, atëherë mendohet para se gjithash të kemi kujdes për miqësitë. Të mos përdorim fjalë si armiq. Ja kemi bërë kësi përpjekje me Bullgarinë, ku është theksuar se bullgarët kanë qenë okupator fashist në Luftën e Dytë Botërore. Nëse duam të ndërtojmë miqësi të kemi kujdes për këto për këto çështje.

Kur bëhet fjalë për atë pjesë të Maqedonisë së Egjeut, ata thonë Greqia e Veriut, të kemi kujdes rreth këtyre çështjeve dhe fjalëve kur i përdorim. Por ajo çfarë është më e rëndësishme është se ne kemi problem me emrin. Shumë është e rëndësishme që të fokusohemi në problemin me emrin e ri dhe mënyrën se si do ta përdorim dhe si ai do të jetë. Në fund ajo çfarë është shumë e rëndësishme për ne është që të gjejmë zgjidhje për emrin jo vetëm që të marrin ftesë për në NATO, por edhe t’i fillojmë bisedimet me Bashkimin Evropian”, theksoi kryeministri Zaev.