Presidenti i Turqisë, Recep Tayyip Erdogan, ka nisur projektin për ndërtimin e shtëpisë së operës në qendër të Stambollit, duke thënë se ndërtesa e re do të jetë simbol i qytetit.
Erdogan tha të hënën se shtëpia moderne e operës do t’i japë jetë të re Sheshit Taksim. Në vitin 2013, sheshi ka qenë skenë e protestave kundër sundimit të Erdoganit, atëbotë kryeministër. Protestat janë nxitur nga një projekt i zhvillimit urban në parkun pranë Gezi.
Shtëpia e operës, me 2,500 ulëse, do të ndërtohet në lokacionin e Qendrës Kulturore Ataturk dhe do të hapet në vitin 2019. Qendra Kulturore Ataturk është hapur në vitin 1969, por është mbyllur pothuajse menjëherë, si pasojë e një zjarri.
Ajo është rihapur në vitin 1978 dhe është mbyllur më 2008 për një renovim që nuk ka ndodhur kurrë. Kritikët thonë se projekti i operës së re do të largojë përgjithmonë simbolin e Republikës moderne turke, të themeluar pas shpërbërjes së Perandorisë Osmane nga Mustafa Kemal Ataturk.
Partia e Erdoganit për Drejtësi dhe Zhvillim i ka rrënjët e saj në Islamin e moderuar, por ka kundërthënie nëse partia dhe vetë Erdogani mbeten të përkushtuar ndaj parimeve sekulare të Kushtetutës së Turqisë, raporton REL.
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...