Irani ekspozon raketën balistike në marshin vjetor

21:30 | 4 Nëntor 2017
Trina Galanxhi

 Irani ka ekspozuar një raketë balistike më 4 nëntor, ndërsa mijëra iranianë marshuan në Teheran për të shënuar përvjetorin e pushtimit të Ambasadës së SHBA-së, në vitin 1979 , që detyroi Uashingtonin të shkëpus lidhjet diplomatike me Iranin.

Demonstruesit u mblodhën në ish-Ambasadën e SHBA-së, në kryeqytetin iranian ku ishte vendosur raketa balistike.

Për herë të parë Irani ka ekspozuar një raketë në ngjarjen vjetore.

Demonstruesit dogjën një figurë të presidentit të SHBA-së, Donald Trump, si dhe të flamujve izraelitë dhe amerikanë.

Trump muajin e kaluar nuk pranoi të certifikonte marrëveshjen bërthamore të Iranit me fuqitë botërore, duke e akuzuarTeheranin për atë që ai e quajti shkelje të “shpirtit” të marrëveshjes.

Shpërndaje në rrjete sociale

Lajmet më të lexuara

Të ngjashme

Foto lajm