Përfaqësuesja e Belgjikës ka shpallur listën e lojtarëve të ftuar për dy ndeshjet e ardhshme miqësore.

Në listën e lojtarëve të ftuar nga trajneri spanjoll Roberto Martinez Montoliu është edhe kosovari Adnan Januzaj, shkruan portali arbresh.info.

Januzaj, i cili ishte pjesë e lojtarëve të përcaktuar nga UEFA që kishin ende mundësi të ndryshonin kombëtaren sipas rregullave të reja, është emëruar në listën prej 28 lojtarëve për dy ndeshjet e ardhshme miqësore të Belgjikës duke shuar plotësisht shpresat e “Dardanëve”.

Mesfushori ka bërë deri tani gjashtë paraqitje në La Liga te skuadra spanjolle Real Sociedad.

22-vjeçari, i cili u transferua gjatë verës nga Manchester United te Real Sociadi për 8 milionë euro, ka vetëm gjashtë paraqitje nën fanellën e kombëtares së Belgjikës.

“Djajtë e Kuq” do të takohen me Meksikën në stadiumin King Baudouin më 10 nëntor, ndërsa katër ditë më vonë presin Japoninë në stadiumin Jan Breydel./arbresh.info/

https://twitter.com/BelRedDevils/status/926405902634225664

https://twitter.com/BelRedDevils/status/926407977032208384