Ndotja më e madhe e ajrit është në Prishtinë dhe Obiliq

09:37 | 3 Nëntor 2017
arbresh.info

Qeveria e Kosovës ka miratuar  Raportin vjetor për gjendjen e mjedisit për vitin 2016, raporton arbresh.info.

Ministrja e Mjedisit dhe Planifikimit Hapësinor, Albena Reshitaj, tha se sa i përket cilësisë së ajrit ndotja më e madhe është në Prishtinë dhe Obiliq.

” Sa i përket ndotjes së tokës ajo është brenda standardeve mirëpo është shqetësuese shndërrimi i tokave bujqësore në ato industriale,” është shprehur ministrja Reshitaj në mbledhje të Qeverisë.

Në paraqitjen e raportit të gjendjes së mjedisit ajo tha se ka trend pozitiv në rritjen e zonave të mbrojtura.

Ministrja Reshitaj para qeverisë paraqiti edhe rekomandimet për përmirësimin e gjendjes së mjedisit në Kosovë.

“Një nga rekomandimet është marrja e masave në funksionalizim nacional për kontrollin e cilësisë së ajrit, mbrojtja e resurseve natyrore e shtazore të rrezikuara,” është shprehur ajo.

/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm