Ministrja e Mjedisit dhe Planifikimit Hapësinor, Albena Reshitaj, priti në takim përfaqësuesit e Agjencisë japoneze për bashkëpunim ndërkombëtar (JICA), të udhëhequr nga Taizo Yamada, të cilët i falënderoi për miratimin e projektit të zhvillimit të kapaciteteve për kontrollin e ndotjes së ajrit në Republikën e Kosovës.
Ministrja Reshitaj falënderoi JICA për mbështetjen dhënë Kosovës në fushën e mjedisit dhe planifikimit hapësinor, dhe tash së fundi edhe për miratimin e projektit të zhvillimit të kapaciteteve për kontrollin e ndotjes së ajrit në Kosovë, projekt ky që do të këtë impakt pozitiv në ngritjen e cilësisë së ajrit.
“Si ministri jemi duke u angazhuar në realizimin e projekteve dhe aktiviteteve konkrete që do të ndikojnë në ngritjen e cilësisë së ajrit, në bashkëpunim edhe me akterët tjerë ndërlidhës institucionalë vendorë dhe donatorët ndërkombëtarë”, tha ministrja Reshitaj.
Përfaqësuesi i Agjencisë japoneze për bashkëpunim ndërkombëtar Yamada përgëzoi ministren Reshitaj për inicimin e projekteve që ndikojnë në ngritjen e cilësisë së ajrit dhe mbrojtjes së mjedisit në përgjithësi.
Ndryshe, projekti i zhvillimit të kapaciteteve për kontrollin e ndotjes së ajrit në Kosovë ka të bëjë me rehabilitimin e stacioneve për monitorimin e cilësisë së ajrit që përfshijnë: përcjelljen e matjeve të cilësisë e ajrit, analizat laboratorike, trajnimin e stafit për mirëmbajtjen e stacioneve për monitorim të cilësisë së ajrit dhe kalibrimin e instrumenteve, matjen e emisioneve në impiantet me djegie të madhe, përpunimin e rezultateve të fituara nga matjet, vlerësimi i gjendjes së kaldajave dhe elektrofiltrave në TC Kosova A dhe TC Kosova B.
Komuna e Prishtinës do të jetë pilot-projekt, ku do të bëhet vlerësimi i ndotjes së ajrit nga burimet e veçanta, duke përfshirë transportin, amvisërinë, shërbimet publike dhe industrinë.
Po ashtu do të rishikohet rrjeti i monitorimit të cilësisë së ajrit, mundësia për pajisje edhe me ndonjë stacion tjetër të cilësisë së ajrit dhe vendosja e monitorit në kryeqytet për t’u informuar edhe qytetarët me gjendjen reale të cilësisë së ajrit në vend.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite