Deputetja më e votuar femër e Kuvendit të Kosovës nga radhët e LDK’së, Vjosa Osmani është shprehur e habitur me reagimin e deputetëve nga radhët e VV’së në seancën plenare të javës së kaluar, gjatë kohës kur ajo dhe deputeti nga radhët e LDK’së, Lumir Abdixhiku po kritikonin PDK’në.
Sipas Osmanit, gjuha që përdorën deputetët e VV’së kundrejt tyre ishte e panevojshme.
“Për mu është shumë e çuditshme, kur Vetëvendosja merreshin me ne e nuk brengoseshin për ato që ne i thonim për PDK;në, gjë që prej mënyrës se si reaguan shiheshin sikurse u dhimbsej ajo çfarë thonim për PDK’në. Pra ishte një gjuhë e panevojshme që deputetët e VV-së e përdoren atë ditë”, ka thënë ajo për televizionin Rrokum.
Osmani, po ashtu është deklaruar edhe për jetëgjatësinë e Qeverisë Haradinaj, për çka tha se pranvera e vitit të ardhshëm do të jetë koha kur më së voni do të dihet fati i saj.
“Me këtë shumicë që e ka kjo qeveri më së voni në pranverë do ta shoh se do të ketë të pamundur për të vazhduar”, u shpreh ajo.
Më tej ajo është shprehur se nuk do të tregohet e heshtur karshi gjuhës së VV-së, por do t’iu përgjigjet të gjitha sulmeve dhe propagandave që sipas saj i bën kjo parti.
“Ne jemi të gatshëm që t’iu përgjigjemi edhe sulmeve dhe propagandave, sepse unë nuk e kam ndërmend të hesht”, ka thënë Osmani.
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Ushqimet për një fytyrë pa rrudha
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...